SAHAR

ایران کی وزارت خارجہ کے ترجمان نے کہا ہے کہ غزہ کی 55 فیصد عمارتیں بین الاقوامی اداروں کی بےحسی کی وجہ سے تباہ ہوئیں ہیں۔

سحر نیوز/ ایران: ایران کی وزارت خارجہ کے ترجمان نے کہا ہے کہ 7 اکتوبر 2023 سے غزہ کی پٹی میں 55 فیصد عمارتیں بین الاقوامی تنظیموں اور ملکوں کی بےحسی کی وجہ سے ٹوٹ پھوٹ کا شکار یا مکمل تباہ ہوئی ہیں۔

ایران کی وزارت خارجہ کے ترجمان ناصر کنعانی نے ورچوئل اسپیس میں اپنے اکاؤنٹ پر لکھا کہ بین الاقوامی اداروں اور ملکوں کی بےحسی کےنتیجے میں صیہونی حکومت کی جانب سے غزہ کی پٹی میں دیوانہ وار قتل عام، تباہی اور نہ رکنے والا ظلم جاری ہے۔

انہوں نے مزید کہا کہ اقوام متحدہ کے سیٹلائٹ سینٹر کے مطابق 7 اکتوبر 2023 سے غزہ کی پٹی میں تقریباً %55 عمارتیں  ٹوٹ پھوٹ کا شکار یا مکمل تباہ ہوچکی ہیں۔