SAHAR

رسول خدا حضرت محمد مصطفیٰ (ص) کی رحلت، سبط اکبر امام حسن مجتبیٰ اور امام رضا علیہم السلام کی شہادت کے ایام کی مناسبت سے غیر ملکی زائرین کی کثیر تعداد حرم امام رضا علیہ السلام میں عزاداری منانے کے لئے حاضر ہوئی ہے۔

سحرنیوز/ایران: آستان نیوز کی رپورٹ کے مطابق رسول خدا حضرت محمد مصطفیٰ (ص) کی رحلت، امام حسن اور امام رضا علیہ السلام کی شہادت کی مناسبت سے بہت سے غیر ملکی زائرین حرم امام رضا علیہ السلام میں عزاداری منانے کےلئے حاضر ہیں۔ رپورٹ کے مطابق حرم امام رضا علیہ السلام کے غیرملکی زائرین کا ادارہ  30اگست2024 بروز جمعہ کو وسطی ایشیائی ممالک کے 244 زائرین کا میزبان تھا جن میں 74 زائرین روس سے ، 55 زائرین آذربائیجان سے اور 115 زائرین ترکیہ سے تھے۔ ان زائرین کے لئے حرم امام رضا علیہ السلام کے رواق دارالرحمہ میں پروگرام کا انعقاد کیا گیا۔