SAHAR

ترجمان وزارت خارجہ اسماعیل بقائی نے ٹویٹ کیا ہے کہ اسلامی جمہوریہ ایران کی جانب سے دفاعی طاقت میں اضافہ ایک انتہائی ضروری اقدام ہے۔

سحرنیوز/ایران: اسماعیل بقائی نے اپنے اس پیغام میں لکھا ہے کہ صیہونی وزیر خارجہ سمیت دیگر حکام ایران کو مسلسل فوجی حملے کی دھمکیاں دے رہے ہیں اور ساتھ ساتھ مغربی ممالک تہران کی دفاعی طاقت پر انگلیاں اٹھا رہے ہیں جو کہ انتہائی غیرمنطقی اور ذلیلانہ حرکت ہے۔ اسماعیل بقائی نے لکھا کہ یہ علاقہ ایک غاصب مخلوق سے آلودہ ہوچکا ہے جسے جارحیت اور لاقانونیت نشہ ہے۔ ایسی حالت میں اسلامی جمہوریہ ایران کی جانب سے اپنی دفاعی طاقت میں اضافہ ایک انتہائی ذمہ دارانہ اقدام اور ضروری فیصلہ ہے۔