صدر مملکت ڈاکٹر پزشکیان نے کہا ہے کہ ایران معاشی غنڈہ گردی کے سامنے سر نہیں جھکائے گا اور جنگی جرائم میں ملوث افراد کے احکامات نہیں مانے گا۔
سحرنیوز/ایران: ایران کے صدر ڈاکٹر مسعود پزشکیان نے پابندیوں کے خلاف ملک کے مضبوط مؤقف کا اعادہ کرتے ہوئے کہا کہ ایران معاشی دباؤ اور غنڈہ گردی کے سامنے سر نہیں جھکائے گا اور جنگی جرائم میں ملوث افراد کی دھونس اور دھمکیوں میں نہیں آئے گا۔ انھوں نے کہا کہ ہم مذاکرات کرتے ہیں، مگر عالمی غنڈہ گردی اور بلیک میلنگ کے سامنے نہیں جھکیں گے۔ خطے میں سفارت کاری کے حوالے سے انہوں نے ایران کے عزم کو دہراتے ہوئے خبردار کیا کہ ہم اپنے ہمسایہ ممالک سے کسی تنازعہ میں نہیں پڑنا چاہتے۔ وہ ہمارے بھائی ہیں اور ہم امن کے ساتھ رہنا چاہتے ہیں۔ لیکن اگر ہم پر حملہ ہوا، تو ہم اپنے دفاع کا پورا حق رکھتے ہیں۔ انہوں نے زور دے کر کہا کہ ہمیں اپنا دفاع کرنے کا حق حاصل ہے اور یہی ہمارا اصول بھی ہے۔
