SAHAR

اسلامی جمہوریہ ایران کی وزارت خارجہ کے ترجمان اسماعیل بقائی نے شام کے مختلف علاقوں میں پرتشدد واقعات پر ردعمل ظاہر کرتے ہوئے کہا ہے کہ اسلامی جمہوریہ ایران شام کے حالات پر گہرائی سے نظر رکھے ہوئے ہے۔

سحرنیوز/ایران: اسماعیل بقائی نے کہا ہے کہ اسلامی جمہوریہ ایران شام میں امن و استحکام، تمام اقوام اور گروہوں کے مابین اتحاد، شام کی ارضی سالمیت اور خودمختاری کا خواہاں ہے۔ ترجمان وزارت خارجہ اسماعیل بقائی نے شام کی عبوری حکومت کی ذمہ داریوں پر زور دیتے ہوئے بدامنی، قتل عام اور کسی بھی گروہ یا قوم سے وابستہ بے گناہ شہریوں کو نشانہ بنانے جیسے اقدامات کو مسترد کیا۔ انہوں نے کہا کہ تشدد کے نتیجے میں علاقے میں عدم استحکام پھیلے گا جس کا فائدہ غیرعلاقائی طاقتوں بالخصوص صیہونی حکومت کو ملے گا۔