اسٹوڈنٹس اولمپک چمیپئن شپ جیتنے پر ایرانی ٹیم کو صدر پزشکیان کی مبارکباد
صدر ایران ڈاکٹر مسعود پزشکیان نے صربیہ اسٹونٹس اولمپک 2025 میں ایران کے اسکولی طلبا وطالبات کی ٹیم کی 86 تمغوں کے ساتھ شاندار کامیابی اور چیمپئن شپ جیتنے کی مبارکباد پیش کی ہے۔
سحرنیوز/ایران: ارنا کے مطابق صدر ڈاکٹر مسعود پزشکیان نے صربیہ میں منعقدہ اسٹوڈنٹس اولمپک 2025 میں 86 قابل فخر تمغوں کے ساتھ ایران کے اسکولی طلبا و طالبات کی ٹیم کی شاندار کامیابی اور چیمپئن شپ جیتنے پر مبارکباد کا پیغام جاری کیا ہے۔ صدر مملکت ڈاکٹر مسعود پزشکیان نے اپنے مبارکباد کے اس پیغام میں، صربیہ اسٹوڈنٹس اولمپک 2025 میں ایرانی طلبا وطالبات کی شاندار اور قابل فخر کامیابی کو ملک کے مستقبل کے معمار، طلبا وطالبات کی استعداد، توانائی اور انتھک محنت کا نتیجہ قرار دیا ہے۔ انھوں نے اپنے مبارکباد کے اس پیغام ميں امید ظاہر کی ہے کہ محکمہ تعلیم و تربیت کی زیادہ توجہ، دقت اور منصوبہ بندی سے، ایرانی طلبا وطالبات کے لئے مزید قابل فخر کامیابیوں کے لئے حالات زیادہ سازگار ہوں گے۔ صدر ایران ڈاکٹر مسعود پزشکیان نے اپنے مبارکباد کے اس پیغام میں، طلبا وطالبات، ان کے والدین اور لواحقین، اساتذہ اور محکمہ تعلیم وتربیت کو اس شاندار کامیابی پر مبارکباد پیش کی ہے اور خدا وندعالم سے ان کے لئے مزید توفیقات کی دعا کی ہے۔
