دہشت گرد گروہ جیش الظلم کا آپریشنل کمانڈر ہلاک
ایران کے ضلع کوڈان میں دہشت گرد گروہ جیش الظلم کے کمانڈر ولی محمد شاہ بخش کو ہلاک کردیا گيا ہے۔
سحرنیوز/ایران: آپریشنل انٹیلی جنس کی دہشتگردوں کے خلاف کاروائیوں کے تسلسل میں متعدد علاقائی جرائم پیشہ افراد کو گرفتار اور گزشتہ سال کے دہشت گردی کے واقعات میں اہم کردار ادا کرنے والے دہشت گرد گروہ جیش ظلم کی آپریشنل ٹیم کے کمانڈر ولی محمد شاہ بخش کو ہلاک کر دیا گیا۔ آپریشنل انٹیلی جنس اقدامات کے سلسلے میں، قدس ہیڈ کوارٹر کے اہلکاروں نے جنرل ڈائریکٹوریٹ آف انٹیلی جنس، فراجا اور علاقے کے عوام اور بااعتماد لوگوں کے تعاون سے، جمعہ کی صبح ضلع کوڈان میں کارروائی کی۔ علاقے میں جرائم پیشہ افراد اور دہشت گرد گروپ جیش ظلم کے خلاف اس کاروائی میں مذکورہ دہشتگرد گروہ کی آپریشنل ٹیم کا کمانڈر ولی محمد شاہ بخش ہلاک ہوگیا۔ ولی محمد شاہ بخش نے گزشتہ سال کے دہشت گردی کے واقعات میں اہم کردار ادا کیا تھا۔ آپریشن کے دوران بھاری تعداد میں ہتھیار اور گولہ بارود بھی برآمد ہوا جسے قبضے میں لے لیا گیا۔
