ایرانی وزارت دفاع نے کہا کہ شہید رجائی پورٹ میں فوج سے متعلق کوئی برآمدی یا درآمدی کھیپ نہیں تھی اور نہ ہوتی ہے۔
سحرنیوز/ایران: بریگیڈیئر جنرل رضا طلائی نیک نے شہید رجائی پورٹ کے واقعے سے متعلق خبروں اور افواہوں کے بارے میں گفتگو کرتے ہوئے کہا کہ تحقیقات اور دستاویزات کے مطابق آتشزدگی کے واقعے اور شہید رجائی پورٹ کے علاقے میں ایندھن یا فوجی استعمال کے لیے کوئی درآمدی یا برآمدی کارگو نہیں تھا۔ کچھ خبریں ایسی ہیں جو غیر ملکی میڈیا کے ذریعے ماحول بگاڑنے اور نفسیاتی حربے کے طور تیار کی جاتی ہیں لیکن ایرانی قوم نے ذہانت سے ہمیشہ دشمنوں کے تشہیراتی پروپیگنڈے کو ناکام بنایا ہے۔
وزارت دفاع کے ترجمان نے کہا ہے کہ شہید رجائی بندرگاہ میں آتشزدگی کے واقعے کی بنیادی اور ثانوی وجوہات قومی حکام اور کرائسز مینجمنٹ آرگنائزیشن اور وزارت داخلہ کی جانب سے بتا دی جائیں گی۔
