اقوام متحدہ کے سربراہ نے ایران اور اسرائیل کے مابین کشیدگی میں کمی اور بات چیت کے آغاز کے لیے راہ ہموار کرنے پر زور دیا۔

سحر نیوز/ ایران: یو این سیکریٹری جنرل  نے ایران اور اسرائیل کے درمیان جنگ بندی کے استحکام اور تہران کے ساتھ مذآکرات شروع کرنے کے لئے حالات سازگار بنانے پر زور دیا ہے۔

 اقوام متحدہ کے ترجمان کے دفتر نے اعلان کیا ہے کہ یواین سیکریٹری جنرل  انتونیوگوترش نے برازیل کے شہر ریو ڈی جنرو میں برکس سربراہی اجلاس کے موقع پر ایران کے وزیر خارجہ سید عباس عراقچی سے ملاقات اور مشرق وسطی کے حالات پر تبادلہ خیال کیا۔

 اقوام متحدہ کے ترجمان کے دفتر کے مطابق سیکریٹری جنرل انتونیو گوترش نے جنگ بندی کے استحکام اور مذاکرات کے لئے حالات سازگار بنانے کی ضرورت پر زور دیا ہے۔