بارہ روزہ جنگ میں صیہونی فضائی قوت کو کاری ضرب :رہبر انقلاب کے مشیر کا انکشاف
رہبر انقلاب اسلامی سید علی خامنہ ای کے سینئر فوجی مشیر نے انکشاف کیا ہے کہ ایران پر مسلط کی گئی بارہ روزہ جنگ کے دوران سولہ سے زائد صیہونی پائلٹ ہلاک ہوئے
سحرنیوز/ایران: رھبر انقلاب اسلامی کے مشیر میجر جنرل یحییٰ رحیم صفوی نے کہا ہے کہ جنگ کے ابتدائی دنوں میں ایران کو کچھ کمزوریوں کا سامنا رہا، لیکن چوتھے دن کے بعد طاقت کا توازن ایران کے حق میں پلٹ گیا اور آخری مرحلے میں ایران نے برتری قائم کر لی۔
انہوں نے انکشاف کیا ہے کہ ایران پر مسلط کی گئی بارہ روزہ جنگ کے دوران سولہ سے زائد صیہونی پائلٹ ہلاک ہوئے۔
جنرل رحیم صفوی کے مطابق دشمن کے کمانڈ اینڈ کنٹرول سینٹرز، بجلی گھروں اور حساس تنصیبات کو نشانہ بنایا گیا، جس سے غاصب اسرائیل اپنے مقاصد حاصل کرنے میں ناکام رہا۔
جنرل صفوی نے واضح کیا کہ ایران اپنی دفاعی صلاحیتوں کی بحالی اور توسیع کر رہا ہے اور اگر دوبارہ جارحیت کی گئی تو پہلے سے کہیں زیادہ سخت جواب دیا جائے گا۔
