ایران میں ریڈیولاجی کا شعبہ ترقی یافتہ ترین میڈیکل شعبوں میں تبدیل ہوچکا ہے: وزیر صحت
Oct ۲۴, ۲۰۲۵ ۱۹:۳۴ Asia/Tehran
وزیر صحت ڈاکٹر محمدرضا ظفرقندی نے بتایا ہے کہ ایک دور تھا جب پورے تہران شہر میں محض 2 ریڈیولاجی مراکز ہوا کرتے تھے لیکن ایران میں اس شعبے کی ترقی اب عالمی معیاروں کے مطابق بلکہ اس سے بالاتر ہے۔
سحر نیوز/ ایران: انہوں نے ایران کی ریڈیولاجی کانگریس کے 40ویں اجلاس سے خطاب کرتے ہوئے کہا کہ سائنسی اور فنی لحاظ سے ایران کی ترقی نمایاں رہی ہے۔
وزیر صحت نے اس موقع پر بیماریوں کو روکنے، تشخیص، علاج اور معالجاتی سلسلے میں فیصلہ کرنے کے لیے ریڈیولاجی کی اہمیت پر بھی روشنی ڈالی۔
انہوں نے بتایا کہ ایرانی ماہرین نے اس شعبے میں مصنوعی ذہانت کو لانے کے لیے بھی کوششوں کا سلسلہ تیز کردیا ہے۔
