ایران و قطر کے وزرائے خارجہ کی ٹیلی فونی گفتگو
اسلامی جمہوریہ ایران کے وزیر خارجہ اور قطر کے وزیراعظم اور وزیر خارجہ نے ٹیلیفونی گفتگو میں دوطرفہ اور علاقائی و عالمی مسائل پر بات چیت کی ہے-
سحرنیوز/ایران: اس ٹیلیفونی گفتگو میں ایران کے وزیر خارجہ عباس عراقچی اور قطر کے وزیر اعظم اور وزیر خارجہ محمد بن عبداللہ آل ثانی نے دوطرفہ تعلتات کو مضبوط بنانےکے لئے پیہم کوششیں جاری رکھنے پر تاکید کی ہے-
ایران اور قطر کے وزرائے خارجہ نے پاکستان اور افغانستان کے درمیان بڑھتی ہوئی کشیدگی پر اظہار تشویش کرتے ہوئے علاقے میں امن و سلامتی کے تحفظ کے لئے علاقائی ملکوں کی کوششیں جاری رہنے کی اہمیت پر زور دیا - فریقین نےغزہ کی تازہ ترین صورتحال اور سلامتی کونسل میں پیش کی گئی امریکہ کی حالیہ مجوزہ قرارداد پر بھی بات چیت کی اور فلسطینیوں کے جائز اور قانونی حقوق پامال ہونے کی روک تھام خاص طور پر ان کی سرنوشت کے تعین کے حق کے تعلق سے تبادلۂ خیال جاری رکھنے پر تاکیدکی ۔
