ایران اور افغانستان کےوزرائے خارجہ کا ٹیلی فونی رابطہ ؛ مشترکہ تعاون کے فریم ورک کو مضبوط بنانے پر تاکید
Nov ۱۷, ۲۰۲۵ ۲۱:۰۵ Asia/Tehran
اسلامی جمہوریہ ایران کے وزیر خارجہ نے افغانستان کے وزیر خارجہ کے ساتھ ٹیلی فون پر گفتگو کرتے ہوئے پاکستان اور افغانستان کے درمیان تعلقات کی حالیہ صورت حال کے بارے میں تبادلہ خیال کیا۔
سحرنیوز/ایران: اسلامی جمہوریہ ایران کے وزیر خارجہ سید عباس عراقچی نے طالبان حکومت کے وزیر خارجہ امیر خان متقی کے ساتھ ٹیلی فونی گفتگو میں خطے کے ممالک کے درمیان امن و استحکام کے قیام کی ضرورت کا ذکر کرتے ہوئے، خطے کے ممالک کے درمیان مشترکہ تعاون کے فریم ورک کے اندر مشاورت اور ہم آہنگی کی مضبوطی پر تاکید کی۔
سید عباس عراقچی اور امیر خان متقی نے دوطرفہ تعاون کی تازہ ترین صورت حال کا بھی جائزہ لیا-
افغانستان کے وزیر خارجہ نے بھی ایران کی طرف سے کی جانے والی سفارتی کوششوں کو سراہتے ہوئے علاقائی مشاورت اور سفارتی کوششوں کا خیرمقدم کیا۔
