جنگ کی صورت میں دشمن کو بھاری نقصان اٹھانا پڑے گا: ایڈمرل سیاری

Jan ۲۸, ۲۰۲۶ ۱۹:۵۴ Asia/Tehran

ایران کے ایک اعلی فوجی عہدیدار ایڈمرل حبیب اللہ سیاری نے کہا ہے کہ ایران کی فوج کسی بھی خطرے کا مقابلہ کرنے کے لیے ہمہ وقت تیار ہے اور جنگ کی صورت میں دشمن کو بھاری نقصان اٹھانا پڑے گا۔

سحرنیوز/ایران: ایڈمرل حبیب اللہ سیاری نے اپنے ایک بیان میں کہا کہ ہم دشمن کو دھول چٹانے کے لیے ہمہ وقت تیار ہیں اور زمین، فضا اور سمندر سمیت تمام خطرات پر نظر رکھے ہوئے ہیں۔ انھوں نے خطے میں امریکی بحری جہازوں کی موجودگی کے حوالے سے غیر ملکی میڈیا کی طرف سے پیدا کردہ ماحول کا حوالہ دیتے ہوئے کہا کہ وہ انیس سو اسی سے ہمیں خوفزدہ کرنے کے لیے تباہ کن جنگی بحری جہازوں کی ڈپلومیسی کو عملی جامہ پہنانے کی منصوبہ بندی کر رہے ہیں تاکہ ہمیں ڈرا سکیں لیکن ہم دشمن کی گیدڑ بھبھکیوں سے ڈرنے والے نہیں ہیں۔

ہمیں فالو کریں:

ایڈمرل حبیب اللہ سیاری کا کہنا تھا کہ دشمن اچھی طرح جانتا ہے کہ جارحانہ اقدام کی صورت میں اسے شدید نقصان اٹھانا پڑے گا لہذا وہ ایسی غلطی نہیں دہرائے گا۔