SAHAR

کرد پیشمرگہ فورس نے شمالی عراق کے صوبہ کرکوک سے داعش کو باہر نکالنے کی کارروائیاں شروع کر دی ہیں

شفق نیوز ایجنسی کی رپورٹ کے مطابق کرد پیشمرگہ فورس نے بدھ کو داعش مخالف نام نہاد بین الاقوامی اتحاد کی فضائیہ کی مدد سے کرکوک کے مقبوضہ قصبوں اور دیہاتوں کو آزاد کرانے کے لئے آپریشن شروع کر دیا ہے-


پیشمرگہ فورس، جنوبی کرکوک کے دیہاتوں اور کردستان کے قریب واقع علاقوں سے داعش دہشت گردوں کو باہر نکالنا چاہتی ہے-

تقریبا ایک برس سے عراق کے شمالی اور مغربی علاقوں پر تکفیری دہشت گرد گروہ داعش کا قبضہ ہے اور کرد پیشمرگہ فورس اور عراقی فوج ان علاقوں کو آزاد کرانے کے لئے مشترکہ آپریشن کر رہی ہیں-

 دوسری جانب السلام بریگیڈ کے کمانڈر کرار الخفاجی نے کہا ہے کہ داعش دہشت گرد گروہ نے عراقی فوج کے سامنے پے در پے شکست سے دوچار ہونے کے بعد رہائشی علاقوں میں بم دھماکے اور دہشت گردانہ کارروائیاں کرنا شروع کر دی ہیں اور وہ عام شہریوں کو انسانی ڈھال کے طور پر استعمال کر رہا ہے-

کرار الخفاجی نے کہا کہ عراق کو دہشت گرد گروہ داعش کے وجود سے مکمل طور پر پاک کرنے تک فوجی آپریشن جاری رہے گا-