SAHAR

نمازیوں نے مغرب اور عشاء کی نمازیں ادا کرنے کے بعد حکومت مخالف نعرے لگائے اور اس بات کا اعلان کیا کہ وہ مسجدوں اورمقدس مقامات کے دفاع کے لئے ہمیشہ میدان میں موجود میں رہیں گے-

مسجد فدک الزہرا اورمسجد العلویات ان اڑتیس مسجدوں میں سے ہیں کہ جنہیں آل خلیفہ کی ڈکٹیٹر حکومت کے کارندوں نے شہید کردیا ہے-  اسی سلسلے میں بحرین کے ہیومن رائٹس واچ مرکزکے مذہبی آزادی کے شعبے کے سربراہ نے کہا ہے کہ آل خلیفہ حکومت، شہید کی گئی مساجد کی تعمیرنو کے کام کو روک رہی ہے اورمسجدوں کو شہید کیا جانا بحرینی عوام کے عقائد کی توہین ہے-

واضح رہے کہ بحرین میں دو ہزارگیارہ سے آل خلیفہ حکومت کے خلاف عوامی احتجاج جاری ہے اورعوام، آل خلیفہ کی شاہی حکومت کی ظالمانہ پالیسیوں کو روکنے، عوامی حکومت کی تشکیل، سیاسی اصلاحات اورسیاسی قیدیوں کی آزادی کا مطالبہ کر رہے ہیں-