SAHAR

عراقی پارلیمنٹ کے دفاعی اور سیکورٹی کمیشن کے سربراہ نے اس ملک میں بدامنی کے سلسلے کو عراق کے خفیہ اداروں کی کمزوری کا نتیجہ قرار دیا ہے

السومریہ نیوز ایجنسی کی رپورٹ کے مطابق عراقی پارلیمینٹ میں دفاعی اور سیکورٹی کمیشن کے سربراہ حاکم الزاملی نے کہا کہ عراق کی خفیہ ایجنسیوں میں تجربہ کار اور ماہر افراد کی کمی ہے اور عراق میں دہشت گردی کا سلسلہ جاری رہنے کی وجہ بھی انٹیلیجنس کمزوری ہے-

حاکم الزاملی نے دہشت گردوں اور مجرموں کی شناخت کے لئے سڑکوں پر کیمرے لگانے کی ضرورت پر تاکید کی- عراقی پارلیمنٹ کے دفاعی اور سیکورٹی کمیشن کے سربراہ نے کہا کہ یہ ملک دس سال سے دہشت گردی کے خلاف جنگ کر رہا ہے اور اب سیکورٹی اور انٹیلیجنس اداروں میں اصلاحات اور تبدیلیاں آنی چاہئیں-

عراقی دارالحکومت بغداد میں جمعرات کو دو دہشت گردانہ دھماکے ہوئے جس کے نتیجے میں چوبیس افراد جاں بحق اور سو سے زیادہ زخمی ہو گئے-