SAHAR

یمن کی فوج اور عوامی رضاکار فورس کے میزائل یونٹ نے سعودی عرب کی ایک جنگی کشتی پر حملہ کر کے اسے تباہ کر دیا ہے۔

یمن کی سرکاری نیوز ایجنسی سبا کی رپورٹ کے مطابق یمن کے ایک فوجی ذریعے نے اس خبر کا اعلان کرتے ہوئے کہا ہے کہ سعودی عرب کی اس جنگی کشتی کو المخا بندرگاہ کے قریب میزائل کے ذریعے نشانہ بنایا گیا۔

اس فوجی ذریعے نے کہا اس جنگی کشتی سے یمن کے ساحلی شہروں اور دیہاتوں پر گولہ باری کی جا رہی تھی۔

سعودی عرب اور دیگر نو عرب ملکوں نے  کہ جن میں عمان شامل نہیں ہے، مل کر امریکہ کی حمایت سے چھبیس مارچ سے یمن پر ہوائی، زمینی اور بحری حملے شروع کر رکھے ہیں اور اب تک ان حملون میں یمن کی بنیادی تنصیبات، اسکولوں، اسپتالوں اور رہائشی عمارتوں کو نشانہ بنایا گیا ہے۔

ان حملوں میں اب تک عورتوں اور بچوں سمیت تقریبا بائیس ہزار افراد جاں بحق اور زخمی ہو چکے ہیں۔