عراقی فضائیہ کے حملے، دسیوں دہشت گرد ہلاک
عراقی فضائیہ نے ملک کے شمالی علاقے میں دہشت گردوں کے ٹھکانوں پر بمباری کر کے دسیوں دہشت گردوں کو موت کے گھاٹ اتار دیا ہے۔
عراق میں فوجی کارروائیوں سے متعلق اطلاع رسانی کے نیٹ ورک نے اپنے بیان میں کہا ہے کہ عراقی فضائیہ کے بمبار طیاروں نے عراق کے شمالی صوبے کرکوک کے حویجہ علاقے میں دہشت گردوں کے ٹھکانوں پر حملہ کر کے سینتیس دہشت گردوں کو موت کے گھاٹ اتار دیا ہے۔
عراقی فوج کی کارروائیوں سے متعلق اطلاع رسانی کے اس نیٹ ورک نے اپنے بیان میں کہا ہے کہ اس فضائی حملے میں شرقاط کے علاقے میں کار بم تیار کرنے والے ایک کارخانے کو تباہ کر دیا گیا ہے۔ اس حملے میں دھماکہ خیز مواد سے لدی ہوئی دو گاڑیاں اور چھے ٹن دھماکہ خیز مواد بھی تباہ کر دیا گیا۔
ادھر شمالی شہر موصل میں بھی مقامی ذرائع نے خبر دی ہے کہ کرکوک کے علاقے حویجہ میں عراقی فوجیوں کے پہنچتے ہی داعش کے سرغنے وہاں سے شام فرار کر گئے -
