عراق: فوج نے دسیوں دہشت گرد ہلاک کر دیئے
Feb ۰۶, ۲۰۱۶ ۰۷:۳۱ Asia/Tehran
عراق کی فوج نے ملک کے مغربی علاقے میں دسیوں دہشت گردوں کو ہلاک کر دیا ہے۔
العالم ٹی وی کی ویب سائٹ کی رپورٹ کے مطابق عراقی فوج نے جمعے کے دن الانبار کے مضافات میں واقع البغدادی علاقے کے ضلع الجبہ میں دفاعی لائن کو عبور کرنے کی کوشش کرنے والے آٹھ دہشت گردوں کو ہلاک کر دیا۔
عراق کی برّی فوج نے جمعے کے دن رمادی شہر کے مغرب میں آپریشن کر کے دہشت گرد گروہ داعش کے سترہ عناصر کو ہلاک کر دیا۔عراقی فوج نے البغدادی کے شمال مشرق میں اس گاڑی کو بھی تباہ کردیا جس میں دھماکہ خیز مواد نصب کیا گیا تھا۔
عراق کی عوامی رضاکار فورس نےبھی صوبہ الانبار کے شہر ثرثار میں دہشت گرد گروہ داعش کو شدید نقصان پہنچایا ہے۔
