مصری فضائیہ کے حملے میں دسیوں دہشت گرد ہلاک اور زخمی
مصری ذرائع نے کہا ہے کہ سینا کے علاقے میں فوج نے دسیوں دہشت گردوں کو ہلاک اور زخمی کر دیا ہے
فلسطینی نیوز ایجنسی معا کی رپورٹ کے مطابق مصری فضائیہ نے شمالی سینا میں انصار بیت المقدس گروہ سے وابستہ مسلح افراد کے ایک تربیتی مرکز کو نشانہ بنایا کہ جس میں کم سے کم بیس دہشت گرد ہلاک اور تیس زخمی ہو گئے۔
اس رپورٹ کے مطابق مصری فوج کے خصوصی دستے نے بھی دہشت گرد گروہ انصار بیت المقدس کے دو سرکردہ دہشت گردوں کو ہلاک کر دیا۔ مصر کی سیکورٹی فورس نے اسی طرح رفح کے جنوب میں آٹھ مسلح افراد کو گرفتار کر لیا۔
دوسری جانب یہ بھی اطلاعات ہیں کہ دہشت گردوں نے شمالی سینا کے ہی علاقے میں دو مصری فوجیوں کو بھی ہلا ک کردیا ہے خبروں میں کہا گیا ہے کہ دہشت گردوں نے بم کا دھماکہ کرکے دو مصری فوجیوں کو ہلاک اور دو دیگر کو زخمی کردیا - یہ بم مصری فوج کی ایک بکتر بندگاڑی میں نصب کیاگیا تھا یہ ایسے وقت میں ہے کہ جب شمالی سینا کے مختلف علاقوں میں پیر کے روز بھی مصری فوج اور دہشت گردوں کے درمیان سخت جھڑپیں ہوئی تھیں
