شام کی فوج اور کرد فورس کے ساتھ لڑائی میں دسیوں دہشت گرد ہلاک
Mar ۰۴, ۲۰۱۶ ۰۹:۱۱ Asia/Tehran
شام کے صوبہ حسکہ میں اس ملک کی کرد فورس کے اہلکاروں اور دہشت گرد گروہ داعش کے عناصر کے درمیان ہونے والی جھڑپ میں دہشت گردوں کو شدید جانی اور مالی نقصان پہنچا ہے۔
المیادین ٹی وی کی رپورٹ کے مطابق جمعرات کے دن سہ پہر کے وقت شام کے صوبہ حسکہ کے مغرب میں واقع جبل عبد العزیز نامی علاقے میں دہشت گرد گروہ داعش کے ساتھ اس ملک کی کرد فورس کے اہلکاروں کی شدید جھڑپ ہوئی جس میں دسیوں دہشت گرد ہلاک اور زخمی ہوگئے۔ اس جھڑپ میں دہشت گردوں کو شدید مالی نقصان بھی پہنچا ہے اور ان کا جنگی ساز و سامان تباہ ہو گیا ہے۔
العالم ٹی وی نے بھی خبر دی ہے کہ دیر الزور شہر کے قریب الحویقہ کے علاقے میں دہشت گرد گروہ داعش کے عناصر کے ساتھ شام کی فوج کی لڑائی میں بھی دسیوں دہشت گرد ہلاک اور زخمی ہوئے ہیں۔
