عراقی فضائیہ کی بمباری، پچاس دہشت گر ہلاک
Mar ۰۸, ۲۰۱۶ ۱۶:۴۴ Asia/Tehran
عراقی فضائیہ کے جیٹ طیاروں کی بمباری میں درجنوں دہشت گرد ہلاک ہو گئے ہیں۔
العراقیہ ٹی وی کے مطابق عراقی فضائیہ کے لڑاکا طیاروں نے ، شمالی شہر کرکوک کے علاقے حویجہ میں داعشی دہشت گردوں کے ٹھکانوں پر بمباری کی ہے۔ اس بمباری میں دہشت گردوں کا سرغنہ اور پچاس دوسر ے دہشت گرد ہلاک ہو گئے۔
ایک اور اطلاع کے مطابق عراق کی عوامی رضاکار فورس کے جوانوں نے مرکزی صوبے الانبار کے نواحی علاقے صحرائے ثرثار کے سو مربع کلومیٹر علاقے کو داعشی دہشت گردوں کے قبضے سے آزاد کرا لیا ہے۔
عراقی سیکورٹی فورس نے ایک اور کارروائی کے دوران الانبار کے مغربی علاقے زنکورہ کو بھی دہشت گردوں کے قبضے سے آ زاد کرا لیا ہے۔
