SAHAR

افغان سیکورٹی ذرائع نے اعلان کیا ہے کہ جنوبی صوبے قندھار میں طالبان گروہ کے اٹھارہ افراد کو ہلاک کر دیا گیا۔

موصولہ رپورٹ کے مطابق ایک افغان سیکورٹی عہدیدار کا کہنا ہے کہ قندھار میں ایک آپریشن کے دوران طالبان کے اٹھارہ افراد ہلاک ہو گئے جن میں طالبان کا ایک اہم کمانڈر ملا خاکریزوال بھی شامل ہے۔ اس افغان سیکورٹی عہدیدار کے مطابق طالبان کے اس کمانڈر کی ہلاکت سے اس گروہ کو شدید دھچکا لگا ہے۔

طالبان گروہ نے اب تک افغان سیکورٹی فورسز کے اس آپریشن اور اپنے کمانڈر ملا خاکریز وال کی ہلاکت کے بارے میں کوئی بیان جاری نہیں کیا ہے۔