بغداد میں بم دھماکے
Jun ۰۶, ۲۰۱۶ ۱۸:۵۴ Asia/Tehran
عراق کے دارالحکومت بغداد میں دو بم دھماکوں میں متعدد افراد جاں بحق اور زخمی ہو گئے
عراقی پولیس نے پیر کو اعلان کیا کہ بغداد کے شمالی علاقے طارمیہ میں ایک تجارتی مرکز کے قریب ہونے والے دہشت گردانہ بم دھماکے میں دو افراد جاں بحق اور آٹھ دیگر زخمی ہوگئے- بغداد کے ہی بیاع محلے میں ایک اور دہشت گردانہ بم دھماکے میں دو افراد جاں بحق اور چار دیگر زخمی ہو گئے -
اتوار کو بھی بغداد کے ابوغریب اور الشعب علاقوں میں ہونے والے الگ الگ دہشت گردانہ بم دھماکوں میں چارافرادجاں بحق اور بارہ دیگر زخمی ہو گئے تھے -
دوسری جانب الرمادی کے مغرب میں واقع حدیثہ علاقے میں فوج نے داعش کےحملے کو پسپا کر دیا ہے اس کارروائی میں کم سے کم تیس دہشت گرد ہلاک ہوگئے -
