SAHAR

عراق کے دارالحکومت بغداد میں دہشت گردانہ بم دھماکے میں متعدد افراد جاں بحق اور زخمی ہوگئے -

العہد نیوزویب سائٹ نے خبردی ہے کہ منگل کو بغداد کے فضیلیہ علاقےکے بازار میں ایک بم دھماکے میں کم سے کم دو افراد جاں بحق اور سات دیگر زخمی ہوگئے-

پیرکو بھی بغداد کے شمالی علاقے التاجی میں ایک فوجی چھاؤنی کے گیٹ پرایک دہشت گرد نے خود کو دھماکہ خیز مواد سے اڑالیا تھا جس کے نتیجے میں پانچ عراقی فوجی جاں بحق اورگیارہ دیگرزخمی ہوگئے تھے -

واضح رہے کہ دہشت گرد گروہ داعش نے فلوجہ اور موصل میں اپنی ناکامیوں کا بدلہ لینے کے لئے عراق کے شہری علاقوں میں دہشت گردانہ کارروائیاں تیز کردی ہیں - البتہ ماہرین کا کہنا ہے کہ فلوجہ کی آزادی کے بعد بغداد میں دہشت گردانہ کارروائیوں کی شدت میں کمی واقع ہوئی ہے -