عراق: بغداد میں بم دھماکہ، دس افراد جاں بحق و زخمی
Jun ۲۵, ۲۰۱۶ ۰۷:۳۲ Asia/Tehran
عراق کے دارالحکومت بغداد کے شمال میں ہونے والے ایک بم دھاکے میں کم از کم تین افراد جاں بحق اور سات دیگر زخمی ہو گئے۔
موصولہ رپورٹ کے مطابق عراقی پولیس کے ایک افسر کا کہنا ہے کہ یہ بم دھماکہ جمعے کو دارالحکومت بغداد کے شمال میں الحسینیہ کے علاقے میں ہوا۔
خالد جاسم نے کہا کہ بم دھماکے کے بعد عراقی سیکورٹی فورسز نے جائے حادثہ پہنچ کر صورت حال کا جائزہ لیا اور ممکنہ طور پر کوئی اور بم بھی موجود ہونے کے خدشے کی بناء پر لوگوں کو قریب آنے سے روک دیا۔
اس بم دھماکے میں زخمی ہونے والوں کو علاج و معالجے کے لئے ہسپتال منتقل کر دیا گیا۔
