SAHAR

عراق کے دارالحکومت بغداد میں ہونے والے ایک بم دھماکے میں متعدد افراد جاں بحق و زخمی ہو گئے۔

المیادین ٹی وی کی رپورٹ کے مطابق جمعرات کے روز بغداد کے جنوب مغربی علاقے البیاع میں ہوئے اس بم دھماکے میں کم از کم سات افراد جاں بحق اور تیرہ زخمی ہو گئے۔

حالیہ کچھ عرصے سے بغداد میں بموں کے مسلسل دھماکے ہو رہے ہیں کہ جن کے دوران دسیوں بے گناہ عراقی شہری اپنی جانوں سے ہاتھ دھو چکے ہیں۔ بتایا جاتا ہے کہ فلوجہ سمیت عراق کے مختلف مقامات پرعراقی فورسز کے ہاتھوں داعش کی ذلت آمیز شکست کے بعد دہشت گردوں اور ان کی حامی قوتوں کی جانب سے عام شہریوں کو نشانہ بنائے جانے کے واقعات میں اضافہ ہو گیا۔

درایں اثنا ایک تازہ رپورٹ میں بتایا گیا ہے کہ عراقی فوج نے جنوب مغربی فلوجہ میں واقع علاقے الحصی کے قصبے البوعیفان کو مکمل طور سے دا‏عش کے قبضے سے آزاد کرا لیا۔