عراق: مغربی بغداد میں بم دھاکہ، 12 جاں بحق اور زخمی
عراق کے دارالحکومت بغداد کے مغربی علاقے میں ہونے والے بم دھماکے میں متعدد افراد جاں بحق اور زخمی ہو گئے۔
عراقی ذرائع کے مطابق بم کا یہ دھماکہ بغداد کے مغربی علاقے البکریہ میں ہوا جس میں کم سے کم چار افراد جاں بحق اور آٹھ دیگر زخمی ہو گئے۔
اس سے قبل جمعرات کے روز جنوب مغربی بغداد میں ہونے والے بم کے ایک دھماکے میں ساتھ افراد جاں بحق اور اٹھارہ زخمی ہو گئے تھے۔
عراقی دارالحکومت بغداد میں پچھلے چند ہفتوں کے دوران ہوئے بم دھماکوں میں درجنوں عراقی شہری مارے جا چکے ہیں۔
دہشت گرد گروہ داعش نے صوبہ الانبار کے شہر فلوجہ اور صوبہ نینوا کے شہر موصل میں اپنی شکست کا بدلہ لینے کے لئے عراق کے مختلف شہروں میں عام لوگوں کو دہشت گردی کا نشانہ بنانا شروع کر دیا ہے۔
ایک اور اطلاع کے مطابق فلوجہ کے جنوب میں واقع ایک علاقے میں ہونے والے بم دھماکوں میں متعدد عراقی فوجی مارے گئے ہیں۔
