مصر کی فضائیہ کی بمباری میں انیس دہشت گرد ہلاک
Aug ۱۱, ۲۰۱۶ ۰۹:۵۷ Asia/Tehran
مصر میں سینا کے علاقے میں دہشت گردوں کے ٹھکانوں پر اس ملک کی فضائیہ کے حملے میں انیس دہشت گرد ہلاک ہوگئے ہیں۔
فارس خبر رساں ایجنسی کی رپورٹ کے مطابق مصر کی فوج نے بدھ کےدن کہا کہ شمالی سینا میں واقع شہر رفح کے جنوب میں دہشت گرد گروہ داعش کے ٹھکانوں پر حملے کر کے انیس دہشت گردوں کو ہلاک کردیا ہے۔
مصر کی فوج نے گزشتہ برس سے انصار بیت المقدس کے دہشت گردوں کا مقابلہ کرنے کے مقصد سے حق الشہید کے نام سے آپریشن شروع کر رکھا ہے۔
مصر کی وزارت خارجہ نے گزشتہ ہفتے بتایا تھا کہ اس گروہ کاسرغنہ سینا کے علاقے میں ہلاک ہوگیا ہے۔
دہشت گرد گروہ انصار بیت المقدس نے ایک ویڈیو جاری کرکے داعش کی بیعت کرنے کا اعلان کیا تھا۔
