عراق: دارالحکومت بغداد میں بم دھماکے، متعدد جاں بحق اور زخمی
Sep ۳۰, ۲۰۱۶ ۰۹:۳۸ Asia/Tehran
عراق کے دارالحکومت بغداد میں دہشت گردانہ بم دھماکوں میں کئی افراد جاں بحق اور زخمی ہو گئے ہیں۔
العالم ٹی وی کی رپورٹ کے مطابق بغداد کے جنوبی علاقے الصحہ میں جمعرات کے روز ہونے والے بم دھماکے میں ایک شخص جاں بحق اور نو افراد زخمی ہو گئے۔
ایک اور بم دھماکہ بغداد کے مشرق میں ایک دکان کے قریب ہوا جس میں سات افراد جاں بحق اور زخمی ہو گئے۔
واضح رہے کہ دہشت گردوں نے عراق کے مختلف علاقوں میں پے در پے شکستیں کھانے کے بعد اب عام شہریوں کو نشانہ بنانے کا سلسلہ تیز کر دیا ہے اور وہ آئے روز بم دھماکے کر کے عام شہریوں کو خاک و خون میں غلطاں کرتے ہیں۔
