SAHAR

شام کے دارالحکومت دمشق میں ہونے والے کار بم دھماکے میں متعدد افراد شہید اور زخمی ہو گئے۔

عسکری ذرا‏ئع کے مطابق کار بم کا یہ دھماکہ، دمشق کے التحریر اسکوائر پر کیا گیا جس کے نتیجے میں متعدد گاڑیاں تباہ ہو گئیں۔

اسپتال کے ذرائع نے آٹھ افراد کے شہید اور اکّیس افراد کے زخمی ہونے کی تصدیق کی ہے۔

 شام کے سیکورٹی اداروں نے دو دیگر کار بموں کو دارالحکومت دمشق میں داخل ہونے سے پہلے ہی  تباہ کر دیا۔

اس سے پہلے دمشق کے دمر نامی علاقے میں سیکورٹی چیک پوسٹ کے قریب ہونے والے کار بم دھماکے میں متعدد افراد زخمی ہو گئے تھے۔

ایک اور اطلاع کے مطابق دہشت گردوں نے دمشق کے ایک اسکوائر اور ایئرپورٹ جانے والے راستے پر راکٹوں سے حملہ کیا تاہم کوئی جانی نقصان نہیں  ہوا۔