افغانستان، فضائی حملے میں 55 طالبان ہلاک
Sep ۱۰, ۲۰۱۷ ۰۷:۴۳ Asia/Tehran
افغان فورسز نے صوبہ نورستان میں فضائی حملے میں 55 طالبان جنگجو ہلاک کرنے کا دعویٰ کیا ہے۔
افغان حکام کے مطابق فورسز نے طالبان جنگجووں کے خلاف صوبہ نورستان میں فضائی کارروائی کی جس میں 2 کمانڈروں سمیت 55 جنگجو مارے گئے ۔
پولیس چیف محی الدین سروری نے کہا کہ 300 کے قریب افغان طالبان گزشتہ کئی دنوں سے صوبہ نورستان کے ڈسٹرکٹ برگ ماتل میں موجود تھےاور حملوں کی منصوبہ بندی کر رہے تھے۔
انہوں نے مزید کہا کہ افغان فورسز کی فضائی کارروائی میں 55 جنگجو ہلاک ہوئے جن میں 2 کمانڈر بھی شامل ہیں اور کی شناخت محمد اسماعیل اور فضل کریم کے نام سے ہوئی ہے۔
طالبان ترجمان نے فضائی حملے میں اتنی بڑی تعداد میں طالبان جنگجووں کی ہلاکت کی تردید کی ہے۔
