کردوں سے مذاکرات جاری رکھنے پر زور
Oct ۲۵, ۲۰۱۷ ۱۸:۴۶ Asia/Tehran
عراق کے وزیر خارجہ نے کردوں کے ساتھ مذاکرات جاری رکھنے پر زور دیا ہے ۔
انٹر فیکس نیوز کے مطابق عراقی وزیر خارجہ ابراہیم جعفری نے اعلان کیا ہے کہ کردوں کے ساتھ مذاکرات کا سلسلہ جاری رہے گا ۔ انھوں نے کہا کہ عراق کے آئین میں ہر اس اقدام سے روکا گیا ہے جو ملک کی ارضی سالمیت کے منافی ہو۔یاد رہے کہ عراقی کردستان میں علیحدگی کے ریفرنڈم کے بعد عراق کی اکثر سیاسی جماعتوں نے مقامی کرد انتظامیہ کی سربراہی کا عہدہ ختم کرکے اس کے اختیارات کردستان کی مقامی اسمبلی کو سونپنے کا مطالبہ کیا ہے ۔
