اسرئیل کی جانب سے غزہ میں زہریلی گیس کا استعمال
Nov ۰۱, ۲۰۱۷ ۱۲:۰۷ Asia/Tehran
فلسطین کے علاقے غزہ میں نہتے فلسطینی شہریوں پر اسرئیل کی جانب سے زہریلی گیس کے استعمال کا انکشاف ہوا ہے۔
فلسطین الیوم کی رپورٹ کے مطابق غزہ کی وزارت صحت نے کہا ہے کہ اسرائیلی حملے میں شہید ہونے والوں کی لاشوں کے تجزیے سے معلوم ہوتا ہے کہ اسرائیل نے غزہ میں ممنوعہ زہریلی گیس کا استعمال کیا اور اسرائیل کے سنگین جرائم پر بین الاقوامی برادری نے مجرمانہ خاموشی اختیار کی ہوئی ہے۔
غزہ میں وزارت صحت کے ترجمان اشرف القدرہ کا اپنے بیان میں کہنا ہےکہ فلسطین میں قابض اسرائیل کی جانب سے جاری مظالم پر بین الااقوامی برادری کی مجرمانہ خاموشی معنی خیز ہے ، اسرائیل غزہ میں انسانی حقوق کی سنگین خلاف ورزیاں کررہا ہے۔
ذرائع کے مطابق فلسطینیوں پر اسرائیل کے بھیانک جرائم میں امریکہ اور سعودی عرب برابر کے شریک ہیں۔
