SAHAR

پاکستان کے وزیر صحت نے ایران کی صحت کی اصلاحاتی منصوبہ بندی کی تعریف کی ہے۔

پاکستانی وزیر صحت سائرہ افضل تارڑ نے اپنے دورہ تہران کے موقع پراپنے ایرانی ہم منصب حسن قاضی زادہ ہاشم سے ملاقات کے دوران گفتگو کرتے ہوئے کہا کہ اسلامی جمہوریہ ایران کی جانب سے صحت کی اصلاحاتی منصوبہ بندی اس ملک کے ترقی کی نشاندہی کرتی ہے۔ انہوں نے کہا کہ پاکستان بھی صحت کے شعبے میں ایسے منصوبوں کے حوالے سے پرعزم ہے اور اس حوالے سے ایران کے کامیاب تجربات سے استفادہ کریں گے.

انہوں نے کہا کہ ایران اور پاکستان مختلف ادویات اور ویکسینز کی تیاری میں باہمی تعاون کو بڑھا کر دونوں ممالک میں صحت کے شعبے میں مزید پیش رفت حاصل کر سکتے ہیں۔ اس موقع پر ایران کے وزیر صحت نے کہا کہ ایران کی ویٹرنری تنظیم اور پاکستان کی وزرات صحت کے درمیان تعاون کو بڑھانے کے وسیع مواقع موجود ہیں۔