یمن پر سعودی جارحیت
یمن کے مختلف علاقوں پر سعودی جارحیت اور یمن کے جوابی حملوں کا سلسلہ منگل کو بھی جاری رہا۔
ذرائع کے مطابق یمن کے مختلف علاقوں منجملہ سرحدی علاقوں مجازہ اور الربوعہ پر سعودی جارح طیاروں نے حملے کئے۔سعودی عرب کے جنگی طیاروں نے صعدہ میں مجز اور باقم کے مختلف علاقوں پر بھی آٹھ بار بمباری کی۔سعودی جارحیت کے جواب میں یمنی فوج اور عوامی رضاکار فورس نے بھی جنوبی سعودی عرب کے علاقے جیزان میں سعودی عرب کے فوجی ٹھکانوں کو نشانہ بنایا جس میں کئی سعودی فوجی ہلاک و زخمی ہو گئے۔یمن کے شمالی صوبے الجوف کے اطراف میں واقع العبید علاقے پر بھی یمنی فوج کے جوابی حملے میں سعودی اتحاد کے کئی فوجی ہلاک اور زخمی ہوئے ہیں۔سعودی عرب مارچ دو ہزار پندرہ سے غریب عرب ملک یمن کو اپنی وحشیانہ جارحیت کا نشانہ بنائے ہوئے ہے جس میں اب تک تیس ہزار سے زائد یمنی عام شہری شہید و زخمی ہو چکے ہیں۔
