SAHAR

صیہونی حکومت کے جنگی طیاروں نے جمعے کو غزہ میں استقامتی تحریکوں کے ٹھکانوں پر بمباری کی۔

فلسطین الیوم نیوز ویب سائٹ نے خبردی ہے کہ صیہونی حکومت کے جنگی طیاروں نے غزہ میں استقامتی تحریکوں کے سرچنگ ٹاور پر بمباری کی البتہ اس حملے میں کوئی جانی نقصان نہیں ہوا۔

صیہونی فوج نے اپنے ایک بیان میں دعوی کیا ہے کہ یہ ہوائی حملہ جمعرات کو غزہ پٹی کے اندر سے اسرائیل کے اندر کئے گئے راکٹ حملے کا جواب ہے۔

صیہونی حکومت غزہ پر اپنے حملوں سے قبل عام طور پر اس طرح کا بہانہ پیش کرتی ہے اور غزہ کی مزاحمتی قوتوں پر الزام لگاتی ہے کہ انہوں نے اسرائیل کے اندر راکٹوں سے حملے کئے ہیں۔