یمنی فوج کی جوابی کارروائی، کئی سعودی فوجیوں کی ہلاکت
Mar ۰۷, ۲۰۱۸ ۱۹:۰۶ Asia/Tehran
سعودی جارحیت کے جواب میں یمنی فوج نے سعودی عرب کے علاقے جیزان میں فوجی گاڑی کو نشانہ بناتے ہوئے کئی فوجیوں کو ہلاک و زخمی کر دیا۔
المسیرہ ٹی وی کی رپورٹ کے مطابق یمن پر سعودی اتحاد کی جاری وحشیانہ جارحیت کے جواب میں یمنی فوج اور عوامی رضاکاروں نے جنوبی سعودی عرب کے علاقے جیزان میں واقع قیس نامی علاقے میں سعودی عرب کی متعدد فوجی گاڑیوں کو تباہ کر دیا جس کے نتیجے میں سعودی اتحاد کے کئی فوجی ہلاک و زخمی ہو گئے جبکہ چار دیگر کو یمنی فوج نے قیدی بنا لیا۔
یہ ایسی حالت میں ہے کہ جازان و نجران کے علاقوں میں بھی یمنی فوج کی جوابی کارروائیوں میں سعودی اتحاد کے متعدد فوجی ہلاک ہوئے ہیں۔
دوسری جانب یمنی فوج نے سعودی عرب کے سرحدی علاقوں میں واقع فوجی ٹھکانوں پر شدید گولہ باری کی۔
