غزہ بم دھماکے کی ذمہ دار صیہونی حکومت ہے، حماس
May ۰۶, ۲۰۱۸ ۱۶:۲۲ Asia/Tehran
فلسطین کی اسلامی مزاحمتی تحریک حماس کی فوجی شاخ عزالدین قسام بریگیڈ نے کہا ہے کہ غزہ کی پٹی میں دھماکے کا ذمہ دار اسرائیل ہے جس میں عزالدین قسام بریگیڈ کے چھے اراکین شہید ہوئے ہیں۔
العالم کی رپورٹ کے مطابق غزہ کی پٹی میں ہفتے کو ہوئے ایک دھماکے میں حماس کی فوجی شاخ عزالدین قسام بریگیڈ کے چھے افراد شہید اور تین دیگر زخمی ہوئے ہیں۔
المیادین کی رپورٹ کے مطابق قدس کی غاصب اور جابر صیہونی حکومت نے غزہ کی پٹی کے زوایده علاقے میں ایک پلاننگ کے تحت عزالدین قسام بریگیڈ کے خلاف دہشت گردانہ حملہ کیا۔
عزالدین قسام بریگیڈ نے کہا ہے کہ اسرائیل کی اس سازش کی مزید تفصیلات جلد ہی جاری کر دی جائیں گی۔
