سعودی عرب بوکھلاہٹ کا شکار
سعودی عرب نے مشترکہ ایٹمی معاہدے کی بقا کے سلسلے میں جرمنی کے کردار پر برہمی کا اظہار کرتے ہوئے جرمنی کے ساتھ اقتصادی تعلقات کو ختم کرنے کی دھمکی دی ہے۔
مہر خبررساں ایجنسی نے اشپیگل کے حوالے سے رپورٹ دی ہے کہ سعودی عرب نے مشترکہ ایٹمی معاہدے کی بقا کے سلسلے میں جرمنی کے کردار پر برہمی کا اظہار کرتے ہوئے جرمنی کے ساتھ اقتصادی تعلقات کو ختم کرنے کی دھمکی دی ہے۔
سعودی عرب نے جرمنی کی بڑی کمپنیوں زیمنس اور بایر (دوا ساز کمپنی ) کے بائیکاٹ کی دھمکی بھی دی ہے۔
واضح رہے کہ مشترکہ ایٹمی معاہدے سے امریکہ کے نکلنے کے بعد یورپی ممالک خاص طور سے جرمنی اس معاہدے کو بچانے کی کوشش کررہے ہیں اور کل ویانا میں برطانیہ، فرانس، جرمنی، چین روس اور یورپی یونین کے نمائندوں نے ایران جوہری معاہدے کے تحفظ کے لئے اپنے ٹھوس موقف کا اعادہ کرتے ہوئے جوہری معاہدے کے تحفظ اور ایران کے قومی مفادات پر تاکید کی اور اس حوالے سے مشترکہ موقف اپنایا۔
