افغانستان: طالبان کے حملوں میں 17 سکیورٹی اہلکار ہلاک
افغانستان میں طالبان کے مختلف صوبوں میں حملوں میں 17 افغان سکیورٹی اہلکار ہلاک ہو گئے۔
غیر ملکی خبر رساں ادارے ’اے پی‘ کے مطابق افغان حکام نے ملک کے مختلف حصوں میں طالبان کے تازہ حملوں میں تقریباً 17 سکیورٹی اہلکاروں کے ہلاک ہونے کی تصدیق کردی۔
شمالی صوبے بدخشاں کے ترجمان نیک محمد نے بتایا کہ جمعہ کو ضلع ارگانج کوہا میں طالبان کے حملے میں 3 سکیورٹی اہلکار ہوئے۔
صوبائی پولیس سربراہ غلام داود تاراخیل نے بتایا کہ طالبان نے صوبہ غزنی میں بڑا حملہ کیا اور 2 چیک پوسٹوں کو نشانہ بنایا
اس حملے میں تقریباً 9 سکیورٹی اہلکار ہلاک ہوئے۔
دوسری جانب صوبائی ڈپٹی کونسل چیف اسد اللہ کاکڑ کا کہنا ہے کہ صوبہ زابل کے ضلع شنکئی میں طالبان کے حملے میں 5 سکیورٹی اہلکار ہلاک ہوئے۔
اس حوالے سے طالبان کے ترجمان ذبیح اللہ مجاہد نے تینوں حملوں کی ذمہ داری قبول کی۔
واضح رہے کہ رواں ماہ کی 24 تاریخ کو افغانستان کے صوبے قندوز میں طالبان کے حملے میں 5امریکی ہلاک جبکہ امریکی فضائی حملوں میں 4 افغان اہلکاروں کے علاوہ بچوں اور خواتین سمیت 14 شہری ہلاک ہوئے تھے۔
