SAHAR

عراق کے اصلاح اور ترقی الائنس کے سربراہ سید عمار حکیم نے تاکید کے ساتھ اعلان کیا ہے کہ ان کا ملک دیگر ملکوں پر جارحیت کے اڈے میں ہرگز تبدیل نہیں ہو گا۔

ہمارے نمائندے کی رپورٹ کے مطابق سید عمار حکیم نے بغداد میں مشرقی قریب کے امور میں امریکہ کے نائب وزیر خارجہ ڈیویڈ فیلڈ سے گفتگو میں کہا ہے کہ عراق اپنے فیصلوں میں آزاد اور غیر جانبدار ہے۔
اس ملاقات میں عراق کی سیاسی صورت حال، علاقے اور بغداد و واشنگٹن کے دو طرفہ تعلقات کے بارے میں بھی گفتگو کی۔
انھوں نے دنیا کے مختلف علاقوں کے ساتھ عراق کی مفاہمتی پالیسیوں اور مشترکہ مفادات کی بنیاد پر تعلقات میں توازن کی کوششوں کی طرف اشارہ کرتے ہوئےہر طرح کی کشیدگی سے گریز اور علاقے کے مسائل کے حل کے لئے وسیع مذاکرات کی ضرورت پر زور دیا۔