افغانستان کو امریکی فوجیوں کی موجودگی کی ضرورت : عبداللہ عبداللہ کا دعوی
Oct ۲۶, ۲۰۱۹ ۱۶:۴۴ Asia/Tehran
افغانستان کی قومی حکومت کے چیف ایگزیکٹیو عبداللہ عبداللہ نے دعوی کیا ہے کہ ان کے ملک کو امریکی فوجیوں کی موجودگی کی ضرورت ہے۔
عبداللہ عبداللہ نے سنیچر کو سی این این کو انٹرویو دیتے ہوئے کہا ہے کہ افغانستان کے لئے امریکہ کی سیکورٹی اور مالی امداد بند ہونے کے بعد حکومت گر جانے کا امکان ہے۔
افغانستان کے چیف ایگزیکٹیو نے دعوی کیا ہے کہ جب تک جنگ اور جھڑپوں کا سلسلہ جاری رہے گا اس وقت تک افغان حکومت کو امریکی فوجیوں کی موجودگی کی ضرورت ہے۔عبداللہ عبداللہ نے یہ بھی دعوی کیا کہ افغانستان کے لیے امریکہ کی مالی مدد بھی ضروری ہے۔
افغانستان کے چیف ایگزیکٹیو کے یہ بیانات ایسے عالم میں سامنے آئے ہیں جب افغانستان کی وزارت دفاع نے اعلان کیا ہے کہ نیٹو افغانستان میں اپنے فوجیوں کی تعداد میں کرنا نہیں چاہتی۔
قابل ذکر ہے کہ امریکہ اور اس کے اتحادی فوجی دوہزار ایک سے دہشتگردی کے خلاف جنگ اور قیام امن کے بہانے افغانستان میں تعینات ہیں۔
