SAHAR

اقوام متحدہ کے سیکریٹری جنرل آنتونیو گوترش نے سلامتی کونسل کو مخاطب کرتے ہوئے صیہونی حکومت کی جانب سے لبنان کے فضائی حدود کی خلاف ورزی کی مذمت کی اور تل ابیب نے لبنان کے فضائی حدود میں اپنی سرگرمیاں دوگنا بڑھا دی ہیں اور جولائی سے لے کر اکتوبر تک وہ سات سو چھیاسی بار لبنان کے فضائی حدود کی خلاف ورزی کر چکی ہے۔ 

اقوام متحدہ کی سلامتی کونسل نے پچیس نومبر کو صیہونی حکومت کی جانب سے لبنان اور دوسرے ممالک کے فضائی حدود کی باربار خلاف ورزی کئے جانے اور مقبوضہ فلسطین کی شمالی سرحدوں میں کشیدگی بڑھنے کا جائزہ لینے کی غرض سے ایک اجلاس منعقد کیا تھا۔ 

اس اجلاس میں اقوام متحدہ کے سیکریٹری جنرل گوترش نے اس بات کا ذکر کرتے ہوئے کہ صیہونی حکومت اس کے جنگی اور ڈرون طیاروں نے مجموعی طور پر تین ہزار دو سوبانوے مرتبہ لبنان کے فضائی حدود کی خلاف ورزی کی ہے اور اسرائیل کو اس کا سلسلہ بند کر دینا چاہئے۔ اقوام متحدہ کے سیکریٹری جنرل نے فروری کے مہینے میں بھی اپنی رپورٹ میں کہا تھا کہ صیہونی حکومت ہر مہینے اوسطا طور پر سو بار لبنان کے فضائی حدود کی خلاف ورزی کرتی ہے۔