امریکہ نے التاجی کے علاقے میں میڈیکل ٹیم کو نشانہ بنایا ہے، حشدالشعبی
Jan ۰۴, ۲۰۲۰ ۰۴:۰۱ Asia/Tehran
حشد الشعبی کے ذرائع نے امریکہ کے تازہ بزدلانہ حملے میں عوامی رضاکار فورس کے کمانڈر شبل الزیدی، رائدالکروی اور حامد الجزائری کی شہادت کی تردید کرتے ہوئے کہا کہ امریکہ نے حشدالشعبی کی میڈیکل ٹیم کو نشانہ بنایا ہے۔
عراق کی عوامی رضاکار فورس کے جاری کردہ بیان میں کہا گیا ہے کہ امریکہ کے تازہ حملے میں اس کا کوئی بھی کمانڈر شہید نہیں ہوا۔
بیان میں کہا گیا ہے کہ امریکہ نے حشد الشعبی کی ایک میڈیکل ٹیم کے کنوائے کو نشانہ بنایا ہے۔
مذکورہ کنوائے میں عوامی رضاکار فورس کا کوئی اہم کمانڈر شامل نہیں تھا۔
اس سے پہلے آمدہ خبروں میں کہا گیا تھا کہ مذکورہ تینوں کمانڈر امریکہ کے تازہ فضائی حملے میں شہید ہوگئے ہیں۔
رپورٹ کے مطابق التاجی کے علاقے میں دو گاڑیوں پر مشتمل ایک کنوائے کو نشانہ بنایا گیا ہے۔
الحدث ٹیلی ویژن کے مطابق امریکہ نے یہ حملہ بھی ڈرون کے ذریعے کیا ۔
پچھلے چوبیس گھنٹے کے دوران عراق میں امریکہ کا یہ دوسراہ دہشت گردانہ حملہ ہے۔
