Jan ۱۱, ۲۰۲۰ ۱۹:۰۲ Asia/Tehran
  • عراق سے امریکی فوج کے انخلا پر البنا سیاسی دھڑے کی تاکید

عراق کے البنا اتحاد نے امریکی افواج کے فوری انخلا کی ضرورت پر زور دیا ہے۔

بغداد سے موصولہ رپورٹ کے مطابق البنا اتحاد کے رکن پارلیمنٹ محمد البلداوی نے کہا ہے کہ عراق میں امریکی فوج کی موجودگی اعلان جنگ کے مترادف ہے۔انھوں نے کہا کہ عراق اپنی ارضی سالمیت اور اقتدار اعلی کے تحفظ کے لئے عالمی اداروں اور بین الاقوامی عدالت سے رجوع کرے گا ۔انھوں نے ملک سے امریکی فوج کے انخلا کے بارے میں امریکی وزیر خارجہ سے وزیر اعظم عادل عبدالمہدی کی ٹیلیفونی گفتگو کی طرف اشارہ کرتے ہوئے کہا کہ عراقی وزیر اعظم نے امریکی وزیر خارجہ سے کہا ہے کہ عراق سے امریکی افواج کے انخلا کا میکنزم تیار کیا جائے۔انھوں نے کہا کہ امریکی فوجی حکومت عراق کی اجازت کے بغیر ہی اس ملک میں آتے ہیں اور ان کے طیارے بھی اجازت کے بغیر ہی عراق کی فضاؤں میں پرواز کرتے ہیں ۔

ٹیگس