SAHAR

صیہونی وزیر اعظم نیتن یاھو نے اپنی کابینہ کے اجلاس میں اس بات کا ذکر کرتے ہوئے کہ تمام باتیں ذرائع ابلاغ میں نہیں لائی جاتیں کہا کہ اسرائیل، غزہ پٹی پر حملے کی تیاری کر رہا ہے۔ 

نیتن یاہو نے دعوی کیا کہ امریکی حکومت نے سینچری ڈیل میں فلسطینی زمینوں پر اسرائیل کی حاکمیت کے حق کو تسلیم کیا ہے۔

سینچری ڈیل نامی امریکی صیہونی سازشی منصوبے کی رونمائی کے بعد استقامتی گروہوں نے مقبوضہ علاقوں میں اپنی کارروائیاں تیز کر دی ہیں۔ 

امریکی صدر ٹرمپ نے اٹھائیس جنوری کو نیتن یاہو کے ساتھ نسل پرستانہ سینچری ڈیلی کی رونمائی کی جس کی فلسطینیوں اور دنیا کے مختلف ممالک کی جانب سے مخالفت اور مذمت کی جا رہی ہے۔