مناسک حج میں شرکت نہ کرنے کا اعلان
Jun ۱۹, ۲۰۲۰ ۲۳:۰۰ Asia/Tehran
کرونا وائرس کے پھیلاو اور سعودی حکام کی جانب سے حج کی ادائیگی پر واضح موقف سامنے نہ آنے کے بعد دنیا کے مختلف ممالک کے تقریبا 20 فیصد حجاج نے مناسک حج میں شرکت نہ کرنے کا اعلان کیا ہے۔
اسلامی ممالک یکے بعد دیگرے مناسک حج میں شرکت نہ کرنے کا اعلان کر رہے ہیں اور سنگاپور اور انڈونیشیاء کے بعد تھائی لینڈ، ہندوستان، ملائیشیاء برونائی اور جنوبی افریقہ نے بھی مناسک حج میں شرکت نہ کرنے کا اعلان کیا ہے۔
سعودی عرب نے ابھی تک باقاعدہ طور پر مناسک حج کی ادائیگی یا عدم ادائیگی سے متعلق پالیسی بیان نہیں دیا ہے۔
دنیا بھر سے ہر سال 25 لاکھ زائرین خانہ خدا حج کی سعادت حاصل کرنے کیلئے سعودی عرب جاتے ہیں۔
واضح رہے کہ سعودی عرب میں کورونا وائرس سے اب تک ایک لاکھ 45 ہزار 991 افراد متاثر اورایک ہزار 139 افراد ہلاک ہوئے ہبں۔
