Jul ۲۴, ۲۰۲۰ ۱۰:۳۴ Asia/Tehran
  • عراق میں داعش کا حملہ پسپا

عراقی سکیورٹی ذرائع کا کہنا ہے کہ دہشت گرد تکفیری گروہ داعش نے صوبہ الانبار میں عراقی فوج کی ایک چھاونی پر حملہ کیا جسے ناکام بنا دیا گیا ہے۔

المعلومه نیوز کی رپورٹ کے مطابق دہشت گرد تکفیری گروہ داعش کے دہشت گردوں نے کل صوبہ الانبار کے علاقےالمعموره میں عراقی فوج کی ایک چھاونی پر حملہ کیا جسے فوج نے بڑی بہادری سے ناکام بنا دیا اور داعش کے دہشت گرد پسپائی اختیار کرنے پر مجبور ہوئ‏ے۔

واضح رہے کہ 2014 میں داعش دہشت گرد گروہ نے امریکہ اور اس کے مغربی و عرب اتحادیوں منجملہ سعودی عرب کی فوجی و مالی مدد و حمایت سے عراق پر حملہ کیا اور اس ملک کے بڑے وسیع شمالی اور مغربی علاقوں پر قبضہ کر لیا تھا اور پھر وحشیانہ ترین جرائم کا ارتکاب کیا۔

بعد از آں حکومت عراق نے دہشت گردوں کے خلاف مہم میں ایران سے باضابطہ طور پر مدد کی درخواست کی۔ عراقی فوج نے ایران کی فوجی مشاورت و مدد سے سترہ نومبر دو ہزار سترہ کو عراق کے صوبے الانبار کے شہر راوہ کو آزاد کرا کے اس ملک میں داعش دہشت گرد گروہ کا عملی طور پر کام تمام کر دیا۔ یہ شہر داعش تکفیری گروہ کا آخری اڈہ سمجھا جاتا تھا۔

 

دنیا بالخصوص عالم اسلام اور علاقے کی اہم خبروں کے لیے ہمارا واٹس ایپ گروپ جوائن کیجئے!

Whatsapp invitation link

7: https://chat.whatsapp.com/CHPuYaKdUxCGK4bzQDsJf4

ٹیگس